Müəllif: Tamara Mustafayeva, Banco.az
ABŞ-da mart ayı üzrə kənd təsərrüfatından kənar məşğulluq məlumatları dərc edilib.
Banco.az xəbər verir ki, ABŞ-da kənd təsərrüfatı sektoru istisna olmaqla məşğulluq mart ayında 228 min nəfər artaraq 140 minlik proqnozu geridə qoyub.
Əvvəllər fevral ayı üçün 151 min olaraq açıqlanan artım isə 117 minə endirilib. Bu dəyişikliklə son iki ay üzrə ümumi reviziya 48 min təşkil edib.
Mart ayında ölkədə işsizlik səviyyəsi 4,2 faiz olub ki, bu da 4,1 faiz səviyyəsində olan proqnozdan yuxarıdır. Əmək bazarında iştirak nisbəti isə 62,5 faiz olaraq qeydə alınıb.
Əmək haqqı göstəricilərinə gəlincə, orta saatlıq qazanc mart ayında aylıq 0,3 faiz, illik isə 3,8 faiz artıb. Bu göstərici aylıq proqnozla uyğun, lakin illik baxımdan Bloomberg anketinə əsasən gözlənilən 4 faizdən bir qədər aşağı olub.
Bizi sosial şəbəkələrdən izləyin!!
