Müəllif: Tamara Mustafayeva, Banco.az
ABŞ-da istehsal sektorunda artım sentyabr ayında da davam edib.
Banco.az xəbər verir ki, ISM-in istehsal göstəricisi sentyabr ayında 0,1 bənd azalaraq 54,5 səviyyəsinə düşüb. Bununla da istehsal fəaliyyəti ardıcıl doqquz aydır artım zonasında qalır.
Sentyabr ayının göstəriciləri tələbin sabit olduğunu göstərib. Yeni sifarişlər üzrə göstərici artıb. İstehsalın həcmi isə daha yavaş templə olsa da yüksəlib.
Şirkətlər artan sifariş həcminə yeni işçilər qəbul etməklə cavab verirlər. Sentyabr ayında fabrik işçilərinin sayı ardıcıl üçüncü ayda da artıb. Bununla da 2022-ci ildən bəri məşğulluğun ən uzunmüddətli artım dövrü qeydə alınıb.
İstehsalçılar artan xərclər və təchizat zəncirindəki problemlərlə də mübarizə aparırlar. Xammal qiymətlərini əks etdirən göstərici may ayından bəri ən yüksək səviyyəyə yüksəlib.
Bizi sosial şəbəkələrdən izləyin!!
