Müəllif: Tamara Mustafayeva, Banco.az
İstanbul Hava Limanı Avropanın ən işlək hava limanı olub.
Banco.az xəbər verir ki, Avropa Hava Naviqasiyasının Təhlükəsizliyi Təşkilatı (Eurocontrol) 1-7 yanvar tarixləri üzrə Avropa Aviasiya Hesabatını dərc edib.
Hesabatda qeyd edilir ki, İstanbul Hava Limanı yeni ilin ilk həftəsində gündə orta hesabla 1329 uçuşla Avropanın ən işlək hava limanları arasında birinci olub.
İstanbul Hava Limanını gündə orta hesabla 1248 uçuşla Amsterdam Şiphol, 1230 uçuşla London Hitrou izləyib.
Qeyd edək ki, İstanbul Hava Limanı Türkiyənin İstanbul şəhərində xidmət göstərən iki beynəlxalq hava limanından ən böyüyüdür. Şəhərin Avropa tərəfində, Arnavutköy səmtində yerləşir.
Bizi sosial şəbəkələrdən izləyin!!
