Müəllif:Mehin Qasımova,Banco.az
Yaxın Şərqdə artan gərginlik və qlobal bazarlardakı qeyri-müəyyənlik fonunda Bitkoin yenidən güclənərək 70 min dolların üzərində sabitləşib.
Banco.az xəbər verir ki, çərşənbə günü təxminən 8% bahalaşan Bitkoin növbəti gün 1,4%-ə qədər geriləsə də, yüksək səviyyəsini qoruyub.
Ekspertlər hesab edir ki, geosiyasi risklərin artması investorların alternativ aktivlərə marağını artırır.
Makroiqtisadi qeyri-müəyyənlik və Yaxın Şərqdə münaqişələrin dərinləşməsi bazarların maliyyə şərtlərinin zəifləyəcəyi ilə bağlı gözləntilərini gücləndirir.
Bitkoin adətən likvidliklə bağlı gözləntilər dəyişdikdə daha kəskin reaksiya verir və hazırda bazarda müşahidə olunan güclənmə də bununla əlaqədardır.
