Müəllif: Tamara Mustafayeva, Banco.az
Türkmən qazının Türkiyəyə gətirilməsi üçün BOTAŞ ilə Türkmənqaz arasında müqavilə imzalanıb.
Banco.az xəbər verir ki, bu barədə açıqlamanı Enerji və Təbii Sərvətlər naziri Alparslan Bayraktar verib.
“Türkiyə-Türkmənistan enerji əməkdaşlığında tarixi bir addım atdıq. BOTAŞ ilə Türkmənqaz arasında Türkmən qazının ölkəmizə çatdırılmasını təmin edəcək sazişi imzaladıq,” – deyə Alparslan Bayraktar bildirib.
O, müqavilə çərçivəsində 1 mart 2025-ci ildən etibarən qaz axınının başlanmasının planlaşdırıldığını açıqlayıb.
Bayraktar əlavə edib: “Uzun illər üzərində çalışdığımız bu anlaşma ilə ölkəmizin və regionumuzun təbii qaz təchizatının təhlükəsizliyini gücləndirərkən, iki ölkə arasındakı strateji əməkdaşlığı daha da irəli aparacağıq.”
Bizi sosial şəbəkələrdən izləyin!!
