Müəllif:Mehin Qasımova,Banco.az
Beynəlxalq Enerji Agentliyi (IEA) neft və qaza qlobal tələbatın 2050-ci ilə qədər arta biləcəyini açıqlayıb.
Banco.az xəbər verir ki, qurum həmçinin, təmiz yanacağa sürətli keçidlə bağlı gözləntilərdən yayınaraq, iqlim hədəflərinə çatmağın mümkünsüz olacağını proqnozlaşdırıb.
BEA-nın Mövcud Siyasət ssenarisinə görə, neft tələbi 2050-ci ildə gündəlik 113 milyon barrelə çatacaq ki, bu da 2024-cü il istehlakı ilə müqayisədə təxminən 13 faiz artım deməkdir. Qlobal enerji tələbinin 2035-ci ilə qədər 90 joul və ya mövcud səviyyələrdən 15 faiz artacağı gözlənilir.
BEA-nın hesabatına görə, yeni mayeləşdirilmiş təbii qaz (LNG) layihələri üçün yekun investisiya qərarları 2025-ci ildə artıb. 2030-cu ilə qədər hər il təxminən 300 milyard kubmetr yeni LNG ixrac qabiliyyətinin fəaliyyətə başlaması gözlənilir ki, bu da cari tədarüklə müqayisədə 50 faiz artım deməkdir. Mövcud siyasət ssenarilərinə əsasən, qlobal LNG bazarının 2024-cü ildə təxminən 560 milyard kubmetrdən 2035-ci ildə 880 milyard kubmetrə və 2050-ci ildə 1,020 milyard kubmetrə qədər artacağı proqnozlaşdırılır. Bu artım məlumat mərkəzlərinin və süni intellektin inkişafı ilə dəstəklənən enerji tələbi ilə şərtlənir.
Hesabatda qeyd olunur ki, 2025-ci ilə qədər məlumat mərkəzlərinə qlobal investisiyaların 580 milyard dollara çatacağı gözlənilir. Bu, illik neft tədarükünə yönəldilən 540 milyard dollarlıq qlobal xərcləri ötəcək.
