Çin-ABŞ texnologiya müharibəsi qızışır. 

Banco.az xəbər verir ki, Çin ABŞ-ın Çin yarımkeçiricilərinə tətbiq etdiyi məhdudiyyətlərə qarşı sərt addım atıb. 

Pekin qadağanı dəstəkləyən şəxslərə və təşkilatlara qarşı hüquqi tədbirlər görəcəyi ilə hədələyib.

Belə ki, Çin, ABŞ administrasiyasının şirkətlərə Çindən gələn qabaqcıl yarımkeçiricilərdən istifadə etməmələri barədə tövsiyələrinə kömək edən və ya tətbiq edən hər hansı bir şəxs və ya quruma qarşı qanuni tədbir görə biləcəyini söyləyib.

Çinin Ticarət Nazirliyi, ABŞ tədbirlərinin həyata keçirilməsində iştirak edənlərə qarşı "müvafiq hüquqi öhdəliklərin" ola biləcəyini və bunun Çin firmalarına qarşı "ayrı-seçkilik xarakterli məhdudlaşdırıcı tədbirlər" təşkil edə biləcəyini bildirib.

Çin ABŞ-ı beynəlxalq iqtisadi və ticarət qaydalarına riayət etməyə və digər ölkələrin elmi və texnoloji inkişaf hüquqlarına hörmət etməyə çağırır.