Müəllif: Tamara Mustafayeva, Banco.az
“OpenAI” universitetlərdə süni intellektlə işləyən akademik tədqiqatları maliyyələşdirməyə kömək etmək üçün 50 milyon dollarlıq qrant proqramına start verib.
Banco.az xəbər verir ki, ABŞ mərkəzli süni intellekt tədqiqat şirkəti “OpenAI” akademik tədqiqatlar üçün 50 milyon dollarlıq qrant proqramına start verib. “OpenAI” süni intellektlə dəstəklənən tədqiqatları dəstəkləməyə yönəlmiş “NextGenAI” adlı yeni konsorsiuma dəstək verdiyini elan edib.
Şirkət bildirib ki, Harvard, Oksford Universiteti və MIT də daxil olmaqla 15 qurucu akademik tərəfdaşı olan “NextGenAI” “OpenAI” tərəfindən tədqiqat qrantları, hesablama maliyyələşdirilməsi və API çıxışı şəklində 50 milyon dollarla maliyyələşdiriləcək. Tələbələr, təhsilçilər və tədqiqatçılar qarşıdakı aylarda ayrılan maliyyəni almağa başlayacaqlar.
“OpenAI”nin açıqlamasında qeyd olunub: “Bu təşəbbüs yalnız yeni nəsil kəşfləri dəstəkləmək üçün deyil, eyni zamanda gələcək nəsli süni intellektin gələcəyini formalaşdırmağa hazırlamaq üçün yaradılıb. “NextGenAI” müalicə axtaran alimləri, yeni anlayışlar ortaya çıxaran akademikləri və gələcəyin dünyası üçün süni intellekt sahəsində ixtisaslaşan tələbələri dəstəkləmək məqsədilə hazırlanıb.”
Bizi sosial şəbəkələrdən izləyin!!
