Müəllif:Mehin Qasımova,Banco.az

Dünyanın ən böyük pizza şəbəkələrindən biri olan "Papa John's" satışların kəskin şəkildə azalması səbəbindən filiallarını azaltmaq qərarına gəlib.

Banco.az xəbər verir ki, şirkət rəsmi açıqlamasında yüzlərlə filialın bağlanacağını açıqlayıb.

"Papa John's" 2027-ci ilin sonuna qədər Şimali Amerikada təxminən 300 zəif göstəricili restoranı bağlamağı planlaşdırır. 2025-ci ilin sonuna qədər təxminən 3500 filialı olan nəhəng şəbəkənin maliyyə hesabatlarındakı azalma məşğulluğa da təsir göstərib.

Şirkət bu il təxminən 200 restoran işçisini işdən çıxaracağını açıqlayıb.

Bundan əlavə, korporativ səviyyədə qənaət tədbirləri tətbiq edən "Papa John's" 700 nəfərlik baş ofis işçi qüvvəsinin 7%-ni təsir edən ixtisar prosesinə başlayıb. Bu addımı sektordakı daralmanın miqyasını vurğulayır.

Hansı yerlərin bağlanacağı ilə bağlı dəqiq bir siyahı hələ paylaşılmasa da, əməliyyatların səmərəliliyə diqqət yetirərək yenidən qurulacağı bildirilib.