Müəllif:Ayşən İmanova/Banco.az
"Navio" şirkəti (keçmiş "SberAutoTech") ən yüksək avtonomluq səviyyəsinə malik sürücüsüz yük avtomobilinin prototipini təqdim edib.
Banco.az xəbər verir ki, bu barədə şirkətin açıqlamasında deyilir.
Məlumata görə, sürücü kabinəsi olmayan L5 səviyyəli yük avtomobili dekabrın 11-də keçiriləcək "AI Journey" konfransında nümayiş etdiriləcək.
Qeyd olunur ki, bu, "Navio" seriyasında sürücü oturacağı olmayan ilk ictimai avtomobil olacaq. Avtomobil obyektləri tanımaq, zolaqda hərəkət etmək və zolaqları dəyişmək, həmçinin sürət və məsafəni idarə etmək kimi bir çox funksiyaları sərbəst şəkildə yerinə yetirə biləcək.
Xatırladaq ki, “Navio” çox yönlü avtonom sürücülük texnologiyası və süni intellekt məhsullarının yaradıcısıdır. Şirkət bu sahədə 2020-ci ildən fəaliyyət göstərir.
