Müəllif - Eldar Kərimov - Banco.az
"Mançester Yunayted" futbol klubunun sahibi olan "Mançester Yunayted", restrukturizasiya çərçivəsində 150-200 işçini ixtisar etməyi planlaşdırır, bu barədə şirkətin açıqlamasında bildirilib.
Tədbirlər maliyyə vəziyyətini yaxşılaşdırmaq və səmərəliliyi artırmaq məqsədi daşıyır.
"Bu prosesin sonunda bizim daha qənaətcil, çevik və maliyyə baxımından dayanıqlı bir futbol klubumuz olacaq," - deyə şirkətin baş icraçı direktoru Ömər Berrada bəyan edib.
"Mançester Yunayted" artıq beş ildir ki, zərər çəkir və keçən il 250 nəfəri işdən çıxarmışdı.
Şirkətin səhmlərinin qiyməti bazar ertəsi Nyu-Yorkda keçirilən ticarət zamanı 0,4% aşağı düşür.
