Müəllif Fərid İslamov - Banco.az
2025-ci ildə Londonun Nyu Bond Street (New Bond Street) küçəsi dünyanın ən bahalı ticarət küçəsi seçilib. Bu barədə Cushman & Wakefield şirkətinin illik hesabatında bildirilir.
Beləliklə, o, keçən ilin lideri olan Milanın Via Montenapoleone küçəsini ikinci yerə salıb.
Nyu Bond Street-də mağazaların illik icarə dəyəri 22% artaraq kvadratmetrə görə 20 482 avroya çatıb. Via Montenapoleone-də isə qiymətlər sabit qalıb — 20 000 avro/m².
Üçüncü yerə isə Nyu-Yorkun Beşinci prospekti (Fifth Avenue) düşüb — burada da icarə dərəcələri dəyişməyib (18 360 avro/m²).
Reytinqdə digər yerlər belə paylanıb:
-
4-cü: Honkonqdakı Tsim Sha Tsui prospekti — -6%, 13,9 min avro/m²
-
5-ci: Parisdəki Yelisey sahəsi (Champs-Élysées) — dəyişməyib, 12,52 min avro/m²
-
6-cı: Tokiodakı Ginza — +10%, 11,54 min avro/m²
-
7-ci: Sürixdəki Bahnhofstrasse — dəyişməyib, 9,64 min avro/m²
-
8-ci: Sidneyin Pitt Street-i — +4%, 7,3 min avro/m²
-
9-cu: Seulun Myeongdong küçəsi — +1%, 6 min avro/m²
-
10-cu: Vyananın Kohlmarkt küçəsi — +2%, 5,5 min avro/m²
Cushman & Wakefield artıq 35 ildir ardıcıl olaraq “Dünyanın əsas ticarət küçələri” adlı illik reytinq tərtib edir. 2025-ci il versiyasına 141 şəhər daxil edilib.
