Müəllif: Tamara Mustafayeva, Banco.az
İran və Pakistan arasında Sistan-Bəlucistan əyalətindəki Pişin-Mend Sərhəd Qapısında azad ticarət zonası və elektrik enerjisi xətti istismara verilib.
Banco.az xəbər verir ki, azad ticarət zonası və elektrik xətti İran prezidenti İbrahim Rəisinin Pakistanla sərhəddə yerləşən Sistan-Bəlucistan əyalətinə səfəri zamanı keçirilən rəsmi mərasimlə istifadəyə verilib.
Pişin-Mend Sərhəd Qapısında keçirilən mərasimdə həmçinin Pakistanın Baş naziri Şahbaz Şərif də iştirak edib.
Qeyd edək ki, Sistan-Bəlucistan Azad Ticarət Zonasının direktoru Mubeyyin Alimey bildirib ki, bölgədə yaşayan 6 min ailə sərhəd ticarətindən faydalanacaq.
Bizi sosial şəbəkələrdən izləyin!!
