Müəllif: Gülnar Əhmədli, Banco.az
Öz bacarıqlarınızı göstərmək və diqqəti cəlb etmək üçün sizi ən yaxşı şəkildə əks etdirən CV yaratmaq önəmlidir. Burada təhsilinizi, təcrübənizi, nailiyyətlərinizi və bacarıqlarınızı qısaca təsvir etməlisiniz. Bu, eyni işə müraciət edən digər namizədlərdən fərqlənməyə və işə götürənlərin diqqətini cəlb etməyə kömək edir. Effektiv və işəgötürənin diqqətini cəlb edəcək bir CV hazırlamaq üçün nələrə diqqət etməlisiniz?
Gəlin, bu sualın cavabına baxaq:
Düzgün format və dizayn seçimi: CV sadə, oxunaqlı və vizual cəhətdən aydın olmalıdır. Hazır şablonlardan istifadə etmək prosesi asanlaşdıra bilər.
Məlumatların prioritetləşdirilməsi: Əlaqə məlumatları, təhsil, təcrübə və bacarıqlar ardıcıl və anlaşılan şəkildə sıralanmalıdır. Ən önəmli məlumatlar ilk hissədə yer almalıdır.
Qısa və konkret olmaq: Araşdırmalara görə, işəgötürənlər bir CV-yə orta hesabla cəmi bir neçə saniyə baxırlar. Buna görə də, CV iki səhifədən artıq olmamalıdır.
Vəzifəyə uyğunlaşdırma: Hər müraciət üçün CV-nin məzmunu o vəzifənin tələblərinə uyğun dəyişdirilməlidir. Əlaqəli bacarıqlar və nailiyyətlər vurğulanmalıdır.
Üslub və ifadə tərzi: CV nə çox təvazökar, nə də həddindən artıq iddialı olmalıdır. Əldə edilmiş uğurlar konkret fakt və göstəricilərlə dəstəklənməlidir.
Sadə, məqsədyönlü və fərdiləşdirilmiş CV işə qəbul prosesində namizədin fərqlənməsində əsas rol oynayır. Düzgün tərtib olunmuş CV həm peşəkarlığı əks etdirir, həm də işəgötürənə müsbət ilk təəssürat yaradır.
Bizi sosial şəbəkələrdən izləyin!!
