İsrailin İranın nüvə obyektlərinə zərbələr endirməyə hazırlaşması ilə bağlı xəbərlər əsasında neft qiymətləri nəzərəçarpacaq dərəcədə yüksəlir.
Banco.az xəbər verir ki, Londonun ICE Futures birjasında Brent markalı iyul fyuçerslərinin qiyməti 1,05 dollar (1,61%) bahalaşaraq 66,43 dollar/barelə çatıb. Çərşənbə axşamı Brent 0,16 dollar (0,2%) ucuzlaşaraq 65,38 dollar/barel olub.
Bu vaxta qədər WTI markalı neftin iyul fyuçersləri Nyu-Yorkun NYMEX əmtəə birjasında elektron hərraclarda 1,07 dollar (1,72%) bahalaşaraq bir barelə görə 63,1 dollar təşkil edib. Bu müqavilələr əvvəlki sessiyanı bir barel üçün 62,03 dollar səviyyəsində bağlayıb.
