Müəllif: Gülnar Əhmədli, Banco.az
Azərbaycanda bu ilin yanvar-noyabr aylarında daşınmaz əmlakın icbari sığortası üzrə 75 milyon 43 min manat sığorta haqqı yığılıb.
Banco.az bu barədə Azərbaycan Mərkəzi Bankına istinadən xəbər verir.
Hesablamalarımıza görə, bu, illik müqayisədə 2 milyon 434 min manat və ya 3,4% çoxdur. Ötən ilin yanvar-noyabr aylarında bu növ üzrə sığorta yığımlarının məbləği 72 milyon 609 min manat təşkil edib.
Qeyd edək ki, hesabat dövründə bu növ üzrə sığorta ödənişlərinin məbləği isə 2023-cü ilin eyni dövrü ilə müqayisədə 2 milyon 614 min manat və ya 47,1% azalaraq 2 milyon 936 min manata enib.
Bizi sosial şəbəkələrdən izləyin!!
