Müəllif: Tamara Mustafayeva, Banco.az
Çin qlobal gəmiqayırma sahəsində öz üstünlüyünü təsdiqləməkdə davam edir.
Banco.az xəbər verir ki, Çin qlobal gəmiqayırma sahəsində liderliyini daha təmiz yanacaq yandıran yeni nəsil gəmilərə doğru genişləndirmək istəyir.
Sənaye və İnformasiya Texnologiyaları Nazirliyinin və dörd digər departamentin yaydığı birgə bəyanata görə, ölkə 2025-ci ilə qədər mayeləşdirilmiş təbii qaz və yaşıl metanol daxil olmaqla, aşağı karbonlu yanacaqla işləyən qlobal gəmilərin yarıdan çoxunu inşa etməyi hədəfləyir.
Sənaye insayderləri Çinin gəmiqayırmadakı nailiyyətlərinin 2024-cü ildə də davam edəcəyini proqnozlaşdırırlar. Bu isə özünü xüsusilə alternativ yanacaqla işləyən gəmilərə tələbatın artdığı ixrac sektorunda göstərəcək.
Qeyd edək ki, Çinin gəmiqayırma istehsalı 2023-cü ilin ilk 11 ayında illik müqayisədə 12,3 faiz artaraq 38,09 milyon dedveyt tona çatıb. Bu da dünya bazarının 50 faizdən çoxu deməkdir.
Bizi sosial şəbəkələrdən izləyin!!
