Müəllif - Fərid İslamov - Banco.az
Chery Automobile Hong Kong Fond Birjasında ilkin səhmdar yerləşdirmə (IPO) çərçivəsində səhmləri əvvəl elan edilmiş qiymət diapazonunun yuxarı həddində — 30,75 Hong Kong dolları ($3,96) ilə satmağı planlaşdırır, Reuters mənbələrə istinadən xəbər verir.
Nəticədə şirkət 297,4 milyon səhmin satışı ilə 9,145 milyard HKD ($1,2 milyard) cəlb edə bilər.
Chery-nin səhmləri 25 sentyabrdan birjada ticarətə çıxacaq.
IPO-nun təşkilatçıları China International Capital Corp., Huatai Securities və GF Securities şirkətləridir.
1997-ci ildə qurulan Chery 2024-cü ildə Çində satış həcminə görə ikinci yerdə olub, yalnız BYD-dən geri qalır. Şirkət Exeed, Omoda, Jaecoo və Jetour markaları altında həm daxili yanma mühərrikli, həm də elektrik avtomobilləri təklif edir. 2024-cü ildə şirkətin gəliri 65% artaraq 269,9 milyard yuan ($37,9 milyard) olub, bu da yeni modellərin buraxılması və xarici bazarlara çıxış sayəsində mümkün olub.
