Müəllif: Tamara Mustafayeva, Banco.az
"Exxon Mobil" 2000 işçini ixtisar edəcək.
Banco.az xəbər verir ki, ABŞ-ın enerji nəhəngi “Exxon Mobil” uzunmüddətli yenidənqurma planı çərçivəsində dünya üzrə təxminən 2 min əməkdaşını işdən çıxarmağı planlaşdırır. Bu addım şirkətin qlobal işçi qüvvəsinin təxminən 3–4%-nə təsir edəcək.
“Exxon”un 70%-nə sahib olduğu “Imperial Oil” də həmçinin işçi qüvvəsinin 20%-ni azaldacağını açıqlayıb.
CEO Darren Vudsun sözlərinə görə, bu qərarlar şirkətin rəqabət qabiliyyətini artırmaq və gələcəkdə liderliyini qorumaq məqsədi daşıyır.
“Exxon” 2024-cü ilin sonunda 61 min nəfər işçi çalışdırıb ki, bu da 2019-la müqayisədə 20% azdır. “Imperial Oil”in əməkdaş sayı isə 5 min 100 olaraq qeydə alınıb.
Son aylarda “Chevron”, “ConocoPhillips” və “BP” də neft qiymətlərinin enməsi fonunda minlərlə işçini ixtisar edib.
Bizi sosial şəbəkələrdən izləyin!!
