Müəllif:Ayşən İmanova/Banco.az
Bitkoinin qiyməti bazar ertəsi kəskin ucuzlaşaraq 100 min dollardan aşağı düşüb.
Banco.az xəbər verir ki, ilk kriptovalyutanın qiyməti bir gündə 6,5% ucuzlaşaraq 98,2 min dollara düşüb.
Bitkoindən sonra digər kriptovalyutalar da ucuzlaşıb. Ümumi bazar kapitallaşması gün ərzində 9% azalaraq 3,49 trilyon dollara düşüb.
Qeyd edək ki, bitkoin noyabrın əvvəlində Trampın prezident seçkilərində qalib gəlməsindən sonra dəyər qazanmağa başlayıb.
Seçkilərdən sonrakı ayda kriptovalyutanın dəyəri 74 min dollardan 103 min dollara yüksəlib. Bir həftə əvvəl ABŞ rəhbərinin andiçmə mərasimi günü bitkoinin qiyməti tarixdə ilk dəfə olaraq 109 min dolları ötüb.
