Donald Trampın tarif siyasəti həm səhm, həm də rəqəmsal aktiv bazarlarında kəskin enişlərə səbəb olduğu üçün bitkoin son həftələrdə aşağıya doğru təzyiq altındadır. Yanvarın 20-də Trampın ikinci dəfə ABŞ prezidenti kimi inauqurasiyası zamanı bitkoin 109 min dollar civarında rekord həddə çatdıqdan sonra dəyərinin 30 faizini itirmişdi.

Banco.az xəbər verir ki,dünyanın ən bahalı kriptovalyutası Bakı vaxtı ilə saat 09:25-də “CoinMarketCap” platformasında 1.99% bahalaşaraq 96 832 ABŞ dolları təşkil edib.

Bazar dəyərinə görə ən böyük kriptovalyuta olan bitkoin 3,1 faiz artaraq 97 483 dollara çatıb və fevralın 21-dən bəri ən yüksək səviyyəyə çatıb. Bitkoin sonuncu dəfə fevralın 7-də 100 000 dollara alınıb. Bir çox kiçik kripto aktivlər də  cümə axşamı günü daha da yüksəldi; Dogecoin 4,8 faiz, Ether isə 3,3 faiz artıb.