Müəllif:Mehin Qasımova,Banco.az

ABŞ-ın dövlət katibi Marko Rubio Çinlə tezliklə ticarət danışıqlarının aparılmasına icazə verib.

Banco.az xəbər verir ki, Rubio Fox News-a deyib: "Onlar görüşmək istəyirlər. Danışmaq istəyirlər. Bizdə bunu edən insanlar var. Aydındır ki, bizim Xəzinədarlıq Katibimiz Scott Bessent bu səylərdə iştirak edir və bu danışıqlar tezliklə baş tutacaq".

Eyni zamanda, o, bir daha ABŞ-ın Çindən asılılığını azaltmağın zəruriliyini qeyd edərək, "Pekin tərəfindən ədalətsiz ticarət praktikasının, o cümlədən valyuta manipulyasiyası, dempinq və əqli mülkiyyətin oğurlanması"nın mövcud olduğunu iddia etdi.

Dövlət katibi hazırkı anı kritik adlandırıb: “Prezident  Tramp indi hərəkət edir, çünki gözləməyə vaxt yoxdur. Bu asılılığın daha iki ili və biz ciddi təhlükə altında olacağıq. Administrasiya danışıqları ticarət balansını yenidən müzakirə etmək üçün bir fürsət hesab edir, lakin ABŞ-da hasilatın artırılmasında israrlıdır".