Müəllif - Fərid İslamov - Banco.az
ABŞ və Çin hökumətləri qarşılıqlı liman rüsumlarının tətbiqini bir il müddətinə dayandırıb. Bu rüsumlar iki ölkə arasında ticarət mübahisəsinin əsas gərginlik mənbələrindən biri idi.
ABŞ Ticarət Nümayəndəsi Ofisi bazar ertəsi elan edib ki, bu gündən etibarən Çin gəmilərinə aid liman rüsumları üzrə araşdırma bir il müddətinə dayandırılır. Ardınca Çin Nəqliyyat Nazirliyi də ABŞ ilə aparılan son danışıqlara əsaslanaraq öz tədbirlərini bir il təxirə saldığını bildirib.
Bu il əvvəlcə Vaşinqton, Çinlə bağlı gəmilərə liman rüsumları tətbiq etmişdi. Məqsəd – Çin üzərində dəniz nəqliyyatı sahəsindəki nəzarəti zəiflətmək və ABŞ gəmiqayırma sektorunu dəstəkləmək idi. Bu tədbirlər, aparılan araşdırmalar nəticəsində, Çin-in qlobal dəniz nəqliyyatı, logistika və gəmiqayırma bazarlarında üstünlüyə ədalətsiz praktikalarla sahib olduğu müəyyən edildikdən sonra qəbul edilmişdi.
Çin hökuməti isə cavab olaraq 10 oktyabrda ABŞ gəmilərinə liman rüsumları tətbiq etmişdi. Lakin Çin Nəqliyyat Nazirliyi bazar ertəsi açıqlayıb ki, bu rüsumlar bir il müddətinə dayandırılır.
ABŞ və Çin tərəfindən qarşılıqlı liman rüsumlarının tətbiqi qlobal dəniz nəqliyyatını destabilizə edə, yük daşıma qiymətlərini artıra və neft kimi əsas xammal axınını poza bilərdi.
