Müəllif: Tamara Mustafayeva, Banco.az
“General Motors” şirkəti Çindəki satışlarını artırıb.
Banco.az xəbər verir ki, ABŞ-ın avtomobil istehsalçısı “General Motors” (GM) və onun birgə müəssisələri bu ilin ikinci rübündə Çinə 526 mindən çox avtomobil tədarük edib ki, bu da illik müqayisədə 9 faiz çoxdur.
Bu barədə şirkətin Çindəki törəmə müəssisəsi cümə axşamı açıqlama verib.
Açıqlamada qeyd olunub ki, ikinci rübdə 115 min yeni enerji vasitəsi (NEV) satışı ilə rekord vurulub. Şirkət həmçinin “Chevrolet” və “Cadillac” brendlərinin satışlarında da ikirəqəmli artıma nail olub.
Elektrik və ağıllı avtomobil platformalarının yaratdığı tempə əsaslanan şirkət bu il Çində 20-dən çox yeni və təmir edilmiş modeli satışa çıxarmaq yolundadır ki, bunların da üçdə birindən çoxu yeni enerjili avtomobillərdir.
Bizi sosial şəbəkələrdən izləyin!!
