Müəllif: Tamara Mustafayeva, Banco.az
ABŞ-da istehsal fəaliyyəti iki aylıq ardıcıl artımdan sonra mart ayında daralıb.
Banco.az xəbər verir ki, ISM məlumatlarına görə, mart ayında istehsalat indeksi 50,3-dən 49-a enib. İndeksin 50-nin altında olması sektorda daralmanın olduğunu göstərir.
Yeni sifarişlər indeksi 48,6-dan 45,2-yə düşərək 2023-cü ilin iyun ayından bəri ən aşağı səviyyəyə çatıb. Məşğulluq indeksi 47,6-dan 44,7-yə enib, ISM-in ödənilən qiymətlər indeksi isə 69,4-ə yüksələrək 2022-ci ilin iyun ayından bəri ən yüksək səviyyəyə çatıb.
Qeyd edək ki, Federal Ehtiyat Sisteminin (Fed) 2022 və 2023-cü illərdə yüksək inflyasiya səbəbindən həyata keçirdiyi faiz artımlarının təsiri ilə durğunluğa uğrayan istehsalat sektoru bu ilin əvvəlindən etibarən canlanmağa başlayıb. Lakin bu bərpa prosesi Prezident Donald Trampın tarif siyasətinin təsiri ilə ləngiyir.
Bizi sosial şəbəkələrdən izləyin!!
