Müəllif - Eldar Kərimov  - Banco.az

 ABŞ-da Miçiqan Universiteti tərəfindən hesablanan istehlakçı etimad indeksi fevral ayında 64,7 bal səviyyəsində qeydə alınıb.

Əvvəlcədən bu göstəricinin 67,8 bal olduğu bildirilmişdi, lakin son məlumatlar indeksi aşağı istiqamətdə yenidən qiymətləndirdi.

Trading Economics tərəfindən sorğuda iştirak edən ekspertlər bu göstəricinin aşağı salınacağını gözləmirdilər.

2024-cü ilin fevral ayında indeks 76,9 bal səviyyəsində idi.

Miçiqan Universiteti yanvar ayı üçün də göstəricini yenidən nəzərdən keçirib – əvvəlki 71,1 bal göstəricisi 71,7 bala yüksəldilib.

Amerikalı istehlakçıların cari maliyyə vəziyyətinə münasibətini əks etdirən alt-indeks fevral ayında 65,7 bala düşüb, yanvarda isə bu göstərici 75,1 bal idi.

Gələcək altı ay üçün istehlakçı gözləntiləri indeksi də azalıb – 69,5 baldаn 64 bala enib.

Əhalinin yaxın bir il üçün inflyasiya gözləntiləri isə artaraq 2023-cü ilin noyabrından bəri ən yüksək səviyyə olan 4,3%-ə çatıb (yanvarda bu göstərici 3,3% idi). Uzunmüddətli inflyasiya proqnozu (5 il) da 3,2%-dən 3,5%-ə yüksəlib və bu göstərici əvvəlki 3,3%-lük proqnozla müqayisədə yenidən nəzərdən keçirilib.

Mart ayı üçün istehlakçı etimad indeksinin ilkin göstəricisi Miçiqan Universiteti tərəfindən 14 mart tarixində açıqlanacaq.