Müəllif - Eldar Kərimov- Banco.az

 ABŞ-da fevralda istehlak qiymətləri indeksi (CPI) ötən ilin eyni ayı ilə müqayisədə 2,8% artıb. Bu barədə ölkənin Əmək Nazirliyi məlumat verib.  

Beləliklə, artım tempi yanvardakı 3%-lə müqayisədə azalıb.  

"Bloomberg"in məlumatlarına görə, analitiklərin orta proqnozu inflyasiyanın 2,9%-ə qədər yavaşlayacağını nəzərdə tuturdu.  

Keçən ay ABŞ-da enerji daşıyıcıları illik ifadədə 0,2% ucuzlaşıb, bu, yanvarda 1% artımdan sonra baş verib. Benzin qiymətləri 0,2% ucuzlaşmadan sonra 3,1% düşüb.  

Qida məhsullarının qiymət artımı 2,5%-dən 2,6%-ə qədər sürətlənib, nəqliyyat xidmətlərinin qiymət artımı isə 8%-dən 6%-ə qədər yavaşlayıb.  

Yeni avtomobillər 0,3% ucuzlaşıb, işlənmiş avtomobillər isə 0,8% bahalaşıb.  

Fevralda CPI indeksi əvvəlki ayla müqayisədə 0,2% artıb. "Trading Economics"in orta qiymətləndirmələrinə görə, ekspertlər artım templərinin yanvardakı 0,5%-dən 0,3%-ə qədər azalacağını gözləyirdilər.